మౌ'న'వీణ...

చిలిపివలపుల కన్య మధువా..

సొగసులొలికె కొంటె మగువా..

మధురస్మృతులకు మనసు కొదవా..

లేతసిగ్గుల పాలబుగ్గలు కందె మృదువా..

చరితమెరిగిన గుప్తకాలపు ముత్యరాశివా..

భాషకందని భావమొదిగిన కావ్యరేఖ...

మౌ'న'వీణ... నీవేనా?

మాటలకందని భావం

తెలుపుతోంది నీమౌనం..

అరవిరిసిన నీ ముఖారవిందం

పడుతోంది మనస్సుకు దర్పణం..

జయించగలను ఈ జగం

నీతోటిదే నా జీవనయానం..

నా ఈ చిన్న జీవితంలో

నీ ఆగమనం వర్ణరంజిత శోభితం!!