ఆమె "పరిచయం"...

తొలకరి చినుకుల స్పర్శకు

పులకరించిన పుడమి పరిమళం,

ఆమె జ్ఞాపకం!

పున్నమిరేయి గోదారి అలలపై

ఊయలలూగుతున్న జాబిళిసొగస్సు,

ఆమె మనస్సు!

మాఘమసాన హృదయపూదోటలో

మురిసీ విరిసిన ముద్దమందారం,

ఆమె స్నిగ్ధ సౌందర్యం!

శిసిరంలో గాలికి ఊగే తీగలపైన

తూగే పువ్వుల చిరుదరహాసం,

ఆమె మందహాసం!

ప్రకృతి ఒడిలో పాలమీగడలాంటి నురగలతో

వంపుసొంపుల సెలయేటి పయనం,

ఆమె చలాకీతనం!

అమ్మ ఒడిలో ఆటాడుకునే

బోసినవ్వుల బుజ్జాయి బోళాతనం,

ఆమె అమాయకత్వం...

కోటికాంతుల స్వప్నసౌధం..

లక్షపదాల ప్రణయకావ్యం..

వేలపూల మకరందం..

వందజన్మల అనుబంధం..

పదిలంగా దాచుకున్న

ఒకే ఒక విరహగీతం..

ఆమె "పరిచయం"...